بطاطس باللحمة المفرومه



    أكله اكتر من سهله ومبتاخدش وقت وكمان بتشبع جدا وشكلها لذيذ و تنفع لكل الوجبات فطار وغدا وعشا اختراع لذيذ يعني جربوها اتمني تعجبكوا


    المكوّنات

    1. 4 حبات بطاطس مسلوقه
    2. 0.5 كيلو لحم مفروم
    3. 1 بصله كبيره مبشوره
    4. 0.25 كيلو زيتون مفرغ اخضر واسمر
    5. جبن رومي مبشورة وجبن مودزاريلا
    6. جبن كيري او بريزيدون
    7. بسطرمة (حسب الرغبه)
    8. 1 بيضه مخفوقه للوش
    9. 1 طماطم صغيره
    10. 1 فلفل كبير
    11. ملح و فلفل و كاري والتوابل اللي تحبوها

    طريقة التحضير

    1. نقشر البطاطس ونهرسها كويس جدا منخليش فيها اي قطع ظاهره
    2. ناخد المقدار و نخلطه بالتوابل اللي بنحبها و الجبنه الكيري المكعبات او البريزيدون لحد ما يشكلوا قوام متناسق وبعدين نقسمه نصفين
    3. نسخن الزيت في طاسه و نشوح البصله المبشوره لحد ما لونها يصفر ونحط عليها اللحمة المفرومه لحد ما تتعصج
    4. نفرد الجزء الأول من البطاطس اللي قلبناه مع التوابل والجبنه في الصينيه كويس
    5. ندهن الجزء ده بالبيض وبعدين نضيف اللحمة المفرومة والزيتون والفلفل المتقطع والطماطم والجبنه الرومي المبشوره والمودزاريلا ولو حابين نضيف البسطرمه
    6. نضيف الجزء التاني من البطاطس عشان نغطي الوش كويس وبعدين ندهن الوش بالبيض ونحط الجبنه المودزاريلا والرومي المبشوره علشان تحلي الوش
    7. تدخل الفرن حوالي نصف ساعه تقريبا نحطها تحت شويا صغيرين مش كتير و بعدين نحطها في الشبكه تاخد الوش و نطلعها تبرد خمس دقايق وبالهنا والشفا
    8. ممكن البطاطس دي تتقدم مع مكرونه للغدا او ممكن ناكلها سندوتشات في العشا او في الفطار
    شارك المقال
    MO.KHALID
    كاتب ومحرر اخبار اعمل في موقع موقع بلوجر عام .

    مقالات متعلقة

    إرسال تعليق